Na Biatriz i ven d'Est, cui fins prez capdella,
e Marqueset' apres, on valors renovella;
e de Ravena i ven n'Esmilla, cui apella
fis prez, e de Magon na Biatriz la bella
e n'Alazaiz, sa sor, qui sap ja la novella;
e de Bresaina i ven ma dompna na Donella.

«Sordels, car verais prez fis
es a n’Azalais aclis
de Vizalaina, me par
qe deia aquest plait juiar;
e so q’ella en volra dir
deu ben a totz abellir».

«Car toz hom pros s’abellis
de na Cuniza e grazis,
Guillems, son valen prez car,
tanh c’ab n’Alais deia far
lo jujamen e complir,
e tuit lo devem grazir».

Si ma dompna n’Alais de Vidallana
Saubes cant eu sai a dompna valer,
(...)