E puosc vos dir planamen mon vejaire,
reis deschausitz, ben a dos ans entiers,
e pot vos hom ben mostrar e retraire
la comtessa q'es dompna de Beders,
a cui tolguetz, qan vos det sas amors,
doas ciutatz e cent chastels ab tors:
de tot en tot era de perdre l'or
tro·l de Saissac i mes autre demor. 

Pros Comtessa, sobrenom avetz ver,
Car gen burlatz e metetz vostr’ aver,
E faitz tezaur de fin pretz benestan,
C’autra dompna del mon non val aitan.

Mas molt soi iratz
e marritz d'un plai                          
en que nos, de sai,                         
avem pres gran dan
en la comtessa prezan,                
dona de Burlatz,                              
que perdem, so m'es parven,
si Dieus encar no la·ns ren.
 

A vos, per cui pretz viu e nais et es 
et a cobrat som briu en totas res,
bella donna, contessa de Burlatz,
ren ma chanzon, car ades meilluratz;

Car cantas ab vilania,
e·l contessa m'en chastia
que ten Lombers e Burlas,
que ditz que vos rebusas. 

Res tan no plaz
con fai Burlatz
per la contessa valenta,
qu prez li es daz
et autriaz
tant qe val las meilhors trenta.

Et astre et aventura lo condus en la cort de la contessa de Burlatz, qu’era filla del pro comte Raimon, muiller del vescomte de Beziers, que avia nom Taillafer. Aquel N’Arnautz si era avinenz hom de la persona e cantava ben e lesia romans. E la contessa si·l fasia gran ben e gran honor.

Molt li volia gran be Arnautz az ela e moltas bonas chansos en fes de leis e molt la preguet ab gran temensa, et ella volia gran ben a lu. E·l reis N’Anfos, qu’entendia en la comtessa, s’aperseup quez ela volia ben az Arnaut de Marueill, e si·n fo fort gelos e dolens quan vit los semblans amoros qu’ela fazia az Arnaut et auzit las bonas chansos qu’el avia fait d’elai.

Qu'ieu vi que ma dona N'Alazais, comtessa de Saluza, sofria Peire Vidal per entenedor; e la comtessa de Burlatz, Arnaut de Marueill, e ma dona Maria, Gauselm Faidit; e la dona de Marceilla, Folquet de Marceilla.